Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. id ita esse experta es: nunc experiere, mea Phronesium,
  2. me te amare. adduxi ancillas tibi eccas ex Suria duas,
  3. is te dono. adduce hoc tu istas. sed istae reginae domi
  4. suae fuerunt ambae, earum patriam ego excidi manu.
  5. his te dono.
Phron.
  1. Paenitetne te quot ancillas alam,
  2. quin examen super adducas, quae mihi comedint cibum?
St.
  1. Hoc quidem herclést ingratum donum. cedo tu mi istam purpuram.
  2. mea voluptas, attuli eccam pallulam ex Phrygia tibi.
  3. tene tibi.
Phron.
  1. Hocine mi ob labores tantos tantillum dari?