Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. facile sibi facunditatem virtus argutam invenit,
  2. sine virtute argutum civem mihi habeam pro praefica,
  3. quae alios conlaudat, eapse sese vero non potest.
  4. nunc ad amicam decimo mense post Athenas Atticas
  5. viso, quam gravidam hic reliqui meo compressu, quid ea agat.
Phron.
  1. Vide quis loquitur tam propinque.
Astaphivm
  1. Miles, mea Phronesium,
  2. tibi adest Stratophanes. nunc tibi opust, aegram ut te adsimules.
Ph.
  1. Tace.
  2. cuí adhuc ego tam mala eram monetrix, me maleficio vinceres?
St.
  1. Peperit mulier, ut ego opinor.
A.
  1. Vin adeam ad hominem?
Ph.
  1. Volo.
S.
  1. Euge, Astaphium eccam it mi advorsum.
A.
  1. Salve ecastor, Stratophanes.
  2. venire salvom te—
Strat.
  1. Scio. sed peperitne, ópsecro, Phronesium?
Ast.
  1. Peperit puerum nimium lepidum.
Strat.
  1. Ehem, ecquid mei similest?
Ast.
  1. Rogas?