Stichus

Plautus, Titus Maccius

Plautus. Leo, Friedrich

  1. Deos salutatum atque uxorem módo intro devortor domum;
  2. haec si ita ut volo conficio, continuo ad te transeo.
Epig.
  1. Apud nos eccillam festinat cum sorore uxor tua.
Pamph.
  1. Optumest, iam istoc morai minus erit. iam ego apud te ero.
Ant.
  1. Prius quam abis, praesente ted huic apologum agere unum volo.
Pamph.
  1. Maxume.
Ant.
  1. Fuit olim, quasi ego sum, senex; ei filiae
  2. duae erant, quasi nunc meae sunt; eae erant duobus nuptae fratribus,
  3. quasi nunc meae sunt vobis.
Epig.
  1. Miror quo evasurust apologus.