Stichus

Plautus, Titus Maccius

Plautus. Leo, Friedrich

  1. amicam ego habeo Stephanium hinc ex proxumo,
  2. tui frátris ancillam: eo condixi in symbolam
  3. ad cenam, ad eius consérvom Sangarinum Syrum.
  4. eademst amica ambobus, rivales sumus.
Epig.
  1. Age abduce hasce intro. hunc tibi dedo diem.
Stich.
  1. Meam culpam habeto, nisi probe excruciavero.
  2. iam hercle ego per hortum ad amicam transibo meam
  3. mi hanc occupatum noctem; eadem symbolam
  4. dabo et iubebo ad Sangarinum cenam coqui.
  5. aut egomet ibo atque opsonabo opsonium.