Pseudolus

Plautus, Titus Maccius

Plautus. Leo, Friedrich

  1. nunc nescio hercle rebus quid faciam meis;
  2. neque ego illud possum, quod illi qui possunt solent.
  3. nunc, nisi lenoni munus hodie misero,
  4. cras mihi potandus fructus est fullonius.
  5. eheu, quam illae rei ego etiam nunc sum parvolus.
  6. atque edepol, ut nunc male eúm metuo miser,
  7. si quispiam det qui manus gravior siet,
  8. quamquam illud aiunt magno gemitu fieri,
  9. comprimere dentes videor posse aliquo modo.
  10. sed comprimenda est mihi vox atque oratio:
  11. erus eccum recipit se domum et ducit coquom.
Ballio
  1. Forum coquinum qui vocant, stulte vocant,
  2. nam non coquinum est, verum furinum est forum.
  3. nam ego si iuratus peiorem hominem quaererem
  4. coquom, non potui, quam hunc quem duco, ducere,
  5. multiloquom gloriosum insulsum inutilem.
  6. quin ob eam rem Orcus recipere ad se hunc noluit,
  7. ut esset hic qui mortuis cenam coquat;
  8. nam hic solus illis coquere quod placeat potest.
Cocvs
  1. Si me arbitrabare isto pacto, ut praedicas,