Pseudolus

Plautus, Titus Maccius

Plautus. Leo, Friedrich

  1. Bene ego illum tetigi, bene autem servos inimicum suom.
  2. nunc mihi certum est alio pacto Pseudolo insidias dare,
  3. quam in aliis comoediis fit, ubi cum stimulis aut flagris
  4. insidiantur: at ego iam intus promam viginti minas,
  5. quas promisi si effecisset; obviam ei ultro deferam.
  6. nimis illic mortalis doctus, nimis vorsutus, nimis malus;
  7. superavit dolum Troianum átque Vlixem Pseudolus.