Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. iam nunc ego illi égredienti sanguinem exsugam procul.
Lycvs
  1. Iam ego istúc revortar, miles: convivas volo
  2. reperire nobis commodos, qui una sient;
  3. interibi attulerint exta, atque eádem mulieres
  4. iam ab re divina credo apparebunt domi.
  5. sed quid huc tantum hominum incedunt? ecquidnam adferunt?
  6. et illé chlamydatus quisnam est, qui sequitur procul?
Adv.
  1. Aetoli cives te salutamus, Lyce,
  2. quamquam hanc salutem ferimus inviti tibi.
Lyc.
  1. Fortunati omnes sitis, quod certo scio
  2. nec fore nec fortunam id situram fieri.
Adv.
  1. Istic ést thensaurus stultis in lingua situs,
  2. ut quaestui habeant male loqui melioribus.
Lyc.
  1. Viam qui nescit, qua deveniat ad mare,
  2. eum oportet amnem quaerere comitem sibi.
  3. ego male loquendi vobis nescivi viam:
  4. nunc vos mihi amnes estis; vos certum est sequi:
  5. si bene dicetis, vostra ripa vos sequar,
  6. si male dicetis, vostro gradiar limite.
Adv.
  1. Malo bene facere tantundemst periculum