Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Mi pater, tua pietas plane nobis auxilio fuit.
Agor.
  1. Patrue, facito in memoria habeas, tuam maiorem filiam
  2. mihi te despondisse.
Han.
  1. Memini.
Agor.
  1. Et dotis quid promiseris.
Antamonides
  1. Si ego minam non ultus fuero probe, quam lenoni dedi,
  2. tum profecto me sibi habento scurrae ludificatui.
  3. is etiam me ad prandium ad se abduxit ignavissimus,
  4. ipse abiit foras, mé reliquit pro atriensi in aedibus,
  5. ubi nec leno néque illae redeunt, nec quod edim quicquam datur.
  6. pro maiore parte prandi pignus cepi, abii foras;
  7. sic dedero: aere militari tetigero lenunculum.