Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Sed de amica se indaudivisse autumat,
  2. hic Athenis esse.
Evt.
  1. Calchas iste quidem Zacynthiust.
Char.
  1. Navem conscendo, proficiscor ilico. iam sum domi,
  2. iam redii ex exilio. salve, mi sodalis Eutyche:
  3. ut valuisti? quid parentes mei? valent mater pater?
  4. bene vocas, benigne dicis: cras apud te, nunc domi.
  5. sic decet, sic fieri oportet.
Evt.
  1. †Eloque ni somnias.
  2. hic homo non sanust.
Char.
  1. Medicari amicus quin properas mihi?
Evt.
  1. Sequere sis.
Char.
  1. Sequor.
Evt.
  1. Clementer quaeso, calces deteris.
  2. audin tu?