Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Anus hercle huic indicium fecit de auro, perspicue palam est,
  2. cui ego iam linguam praecidam atque oculos effodiam domi.
Meg.
  1. Quid tu solus tecum loquere?
Evcl.
  1. Meam pauperiem conqueror.
  2. virginem habeo grandem, dote cassam atque inlocabilem,
  3. neque eam queo locare cuiquam.
Meg.
  1. Tace, bonum habe animum, Euclio.
  2. dabitur, adiuvabere a me. dic, si quid opust, impera.
Evcl.
  1. Nunc petit, cum pollicetur; inhiat aurum ut devoret.
  2. altera manu fert lapidem, panem ostentat altera.