Christus Patiens [Dub.] (Fort. Auctore Constantino Manasse)
Gregory, of Nazianzus
Gregorius Nazianzenus, Christus Patiens, Brambs, Teubner, 1885
- ὧν οὔτε μέτρον οὔτ’ ἀριθμός ἐστί τις·
- κακῷ κακὸν γὰρ εἰς ἅμιλλαν ἔρχεται.
- Ὅθεν πότνια φύσις ἠτιμωμένη
- στένει κλάουσα συμφορὰς πεφυρμένας
- διαδοχάς τε τῶν ἀφερτάτων πόνων,
- τὸν πάντα συντήκουσα δακρύοις χρόνον,
- ἐπεὶ πρὸς ἐχθροῖς ᾔσθετ’ ἠδικημένη
- καὶ μητρὸς αὐτῆς πρωτοπήμονος βλάβῃ
- πατρός θ’ ὑποκλίναντος οὖας μητέρι,
- ὧν πάντες ἐσμὲν οἱ κατὰ χθόν’ ἔκγονοι.
- βοᾷ μὲν ὅρκους, ἀνακαλεῖ δεξιὰς,
- πίστιν μεγίστην, καὶ Θεὸν μαρτύρεται·
- ἔγνω γὰρ ἡ τάλαινα συμφορῶν ὕπο,
- οἱον πατρῴαν μὴ λιπεῖν ἐσθλὸν χθόνα·
- στυγεῖ δὲ κόσμον οὐδ’ ὁρῶσ’ εὐφραίνεται.
- Εἰς τοῦτο γὰρ νῦν ἐκβέβηκ’ ἀλγηδόνος,
- ὥσθ’ ἵμερός μ’ ὑπῆλθε γῇ τε καὶ πόλῳ
- λέξαι μολοῦσαν δεῦρο φύσεως βλάβας.
- Οὔπω γὰρ ἡ τάλαινα παύεται γόων,
- τίκτουσα μὴ τίκτουσα, φεύγουσ’ αὖ τόκους.