Christus Patiens [Dub.] (Fort. Auctore Constantino Manasse)
Gregory, of Nazianzus
Gregorius Nazianzenus, Christus Patiens, Brambs, Teubner, 1885
- Ἕως τίνος μείνῃς δὲ προσκαθημένη
- ἄυπνος, ὄμμα μηδόλως μύουσα σόν;
- Ἠὼς, ἰδοὺ, πέφηνε, καὶ λεωφόρον
- περιτρέχουσι δῆμος ἄνω καὶ κάτω·
- γῆς τ’ ἀναδραμὼν ἥλιος φαεσφόρος
- ἀκτῖνας ἐξίησι θερμαίνων χθόνα.
- Υἱὸν τεθέντα νεκρὸν ἰδοῦσαν τάφῳ
- οὐ δεῖ με θρηνεῖν καὶ στένειν καὶ δακρύειν,
- ἕως ἴδοιμι ζῶντα πάλιν ἐκ τάφου;
- ὕπνος δ’ ἄρα μου πῶς βλεφάροις ἐμπέσῃ;
- Κἀγὼ μελούσῃ καρδίᾳ λήγουσ’ ὕπνου
- κεῖμαι, πεδοστιβὴς γε χαμαιστρωτίᾳ
- κοὔτ᾿ ἔβρισ᾿ οὔτ᾿ ἐκοίμισα, σφοδρῶν γόων
- σῶν, παρθένε, κλύουσα καὶ στεναγμάτων.
131
- Ἔγρεσθ᾿ ἔγρεσθε· τί, γυναῖκες, μέλλετε.,
- ἔξιτ᾿ , ἄπιτε βαιὸν ὡς πρὸς τὴν πόλιν,
- ὅσον προβαίνειν ἐντολὴ δίδωσί πως·
- ἴσως τι μαθήσεσθε καὶ νεώτερον.
- Πολλοὶ γὰρ ὑμᾶς ἀγνοοῦσι, κοὐ δέος
- Καὶ μὴν ὀπαδῶν νῦν τιν’ εἰσορᾶν δοκῶ