De materia medica

Dioscurides Pedianus

Dioscurides Pedianus. De materia medica, Volumes 1-3. Wellmann, Max, editor. Berlin: Weidmann, 1907-1914.

81

70 μάραθον· τούτου ἐσθιομένη ἡ πόα δύναται γάλα κατασπᾶν, καὶ τὸ σπέρμα δὲ πινόμενον ἢ συνεψόμενον πτισάνῃ. τὸ δὲ ἀφέψημα τῆς κόμης ποθὲν νεφριτικοῖς καὶ τοῖς περὶ κύστιν πάθεσιν ἁρμόζει διουρητικὸν ὑπάρχον, ἑρπετοδήκτοις δὲ δίδοται σὺν οἴνῳ καὶ καταμήνια ἄγει, ἐν πυρετοῖς τε ναυσίαν καὶ καῦσον στομάχου παραιτεῖται μετὰ ψυχροῦ ὕδατος πινόμενον. αἱ δὲ ῥίζαι λεῖαι σὺν μέλιτι καταπλασθεῖσαι κυνοδήκτους θεραπεύουσιν.

ὁ δὲ χυλὸς ἐκθλιβέντων τῶν καυλῶν καὶ 2 τῶν φύλλων ἐν ἡλίῳ ξηρανθεὶς εἰς τὰ ὀφθαλμικά, ὅσα πρὸς ὀξυδερκίαν, σκευάζεται χρησίμως· χυλίζεται δὲ πρὸς τὰ αὐτὰ καὶ τὸ σπέρμα χλωρὸν ἔτι ὂν σὺν τοῖς φύλλοις καὶ τοῖς ἀκρεμόσι καὶ ἡ ῥίζα κατὰ τὴν πρώτην ἐκβλάστησιν. ἐν δὲ τῇ πρὸς ἐσπέραν Ἰβηρίᾳ καὶ ὀπὸν ἀνίησιν ὅμοιον κόμμει, ἀποθεριζόντων ἐν τῇ ἀνθήσει μέσον τὸν καυλὸν τῶν ἐπιχωρίων καὶ πυρὶ παρατιθέντων, ἵνα ὑπὸ τῆς θερμασίας οἷον ἀφιδρῶσαν ἐξιπώσῃ τὸ κόμμι· ἔστι δὲ ἐνεργέστερον τοῦ χυλοῦ πρὸς τὰ ὀφθαλμικὰ τοῦτο.

[*](70 RV: μάραθον· οἱ δὲ ἱππομάραθον, Ῥωμαῖοι φενούκλουμ, Ἄφροι βουγνούμ.)[*](1 SIM.: Theophr. h. pl. VI 1, 4 Pl. XX 254 sq. (e S. N. et L. B.) Garg. Mart. 25 159R (e Pl. et Gal. cf. Isid. XVII 11, 4) Sim. Seth. s. v. (67 L)—Zop. (Orib. II 596) Pl. 256 eup. I 138 (163) — Pl. 257 — [Hipp.] περὶ διαίτης II 54 (VI 562) Zop. (Orib. II 566) Cels. II 31 Pl. 256 eap. II 109 (307. 308) — Nic. Th. 33. 391 (ex Apollod.) Pl. 256 eup. II 115 (317) — Zop. (Orib. II 597) — Pl. 256 eup. II 9 (230) — Pl. 257 — Pl. 254 eup. I 41 (112) — Pl. l. s. 254.)[*](1 EXC.: Gal. XII 67 (unde Aet. l. s. v. Paul. Aeg. VII 3 s. v.) Ps. Ap. 124.)[*](1 num. cap. τπδ Ο: τπς Di: ος E tit. περὶ μαράθρου FHADi μάλαθρον V: μάραθον scripsi. nomen est antiquioris aetatis (Theophr. Nic.) τοῦτον] αὕτη RHADi ἐσθιομένη post πόα colloc. RA δύναται om. R, post κατασπᾶν colloc. E 2 κατασπᾷ R ἢ om. R 3 καὶ τὸ ἀφέψημα δὲ RE ποθὲν] ὑποτεθὲν RADiH2: elixatura eius bibita Dl 4 πάθεσιν addidi ἁρμόζει] χρήσιμον REDi: ἁρμόζει δὲ ἑρπετοδήκτοις σὺν οἴνῳ Di 5 δὲ om. R πινόμενον ante σὺν οἴνφ ins. R: post οἴνῳ DiA H2 ναυσίαν RPE: ναυτίαν reliqui 6 καῦσιν EA: καῦσον καὶ ἀνάλυσιν E 7 σὺν μέλιτι λεῖαι E κυνόδηκτα REDi 8 ἐνθλιβέντων E: ἐκθλιβεὶς (post φύλλων transpos.) καὶ ἐν ἡλίῳ ξ. R 9 ξηρανθεὶς in ras. E2 εἰς om. R 10 χρησίμως RDiHAE: χρήσιμος reliqui ἐνχυλίζεται R δὲ καὶ τὸ σπέρμα HADi τὰ αὐτὰ καὶ om. F 11 ἔτι om. R: ἐστὶ V ὂν addidi σῦν τοῖς φύλλοις καὶ om. R: del. A2 13 τὴν ἑσπέραν RE ἰβηρίαν E: corr. E2 14 ἀνθέσει P πῦρ E: post παρατιθέντων transpos. R 15 ὑπὸ om. R οἱονεὶ EDi: ὡς οἷον N: ἕως οἷον C (varia lectio) ἐξιπῶσι F: ἐξιπόσι V: ἐξισώση R: ἐκβάλῃ HDi: ἐκβάλλει A 16 δὲ καὶ E)[*](18 C fol. 230r: N 91: syn. om. DiH2A marg. adscr. N (man. rec.) feniculus maraton: alt. man. maratron vel finiculus 19 βουγνουν N cf, Löw l. s. 405)