Iliad
Homer
Homer. Homeri Opera, Volumes 1-2. Monro, D. B. (David Binning), editor; Allen, Thomas W. (Thomas William), editor. Oxford: Clarendon Press, 1908-1920.
- χώρη μεσσηγὺς πολέος πεδίοιο θέοντος·
- τόσσον δὴ Μενέλαος ἀμύμονος Ἀντιλόχοιο
- λείπετʼ· ἀτὰρ τὰ πρῶτα καὶ ἐς δίσκουρα λέλειπτο,
- ἀλλά μιν αἶψα κίχανεν· ὀφέλλετο γὰρ μένος ἠῢ
- ἵππου τῆς Ἀγαμεμνονέης καλλίτριχος Αἴθης·
- εἰ δέ κʼ ἔτι προτέρω γένετο δρόμος ἀμφοτέροισι,
- τώ κέν μιν παρέλασσʼ οὐδʼ ἀμφήριστον ἔθηκεν.
- αὐτὰρ Μηριόνης θεράπων ἐῢς Ἰδομενῆος
- λείπετʼ ἀγακλῆος Μενελάου δουρὸς ἐρωήν·
- βάρδιστοι μὲν γάρ οἱ ἔσαν καλλίτριχες ἵπποι,
- ἤκιστος δʼ ἦν αὐτὸς ἐλαυνέμεν ἅρμʼ ἐν ἀγῶνι.
- υἱὸς δʼ Ἀδμήτοιο πανύστατος ἤλυθεν ἄλλων
- ἕλκων ἅρματα καλὰ ἐλαύνων πρόσσοθεν ἵππους.
- τὸν δὲ ἰδὼν ᾤκτειρε ποδάρκης δῖος Ἀχιλλεύς,
- στὰς δʼ ἄρʼ ἐν Ἀργείοις ἔπεα πτερόεντʼ ἀγόρευε·
- λοῖσθος ἀνὴρ ὤριστος ἐλαύνει μώνυχας ἵππους·
- ἀλλʼ ἄγε δή οἱ δῶμεν ἀέθλιον ὡς ἐπιεικὲς
- δεύτερʼ· ἀτὰρ τὰ πρῶτα φερέσθω Τυδέος υἱός.
- ὣς ἔφαθʼ, οἳ δʼ ἄρα πάντες ἐπῄνεον ὡς ἐκέλευε.
- καί νύ κέ οἱ πόρεν ἵππον, ἐπῄνησαν γὰρ Ἀχαιοί,