GetPassage urn:cts:latinLit:phi0914.phi001.perseus-lat2:8.7.21-8.7.22 urn:cts:latinLit:phi0914.phi001.perseus-lat2:8.7.21-8.7.22

itaque velut demerso ab admiratione animo cum silentio defixi stetissent, repente, postquam cervice caesa fusus est cruor, tam libero conquestu coortae voces sunt, ut neque lamentis neque execrationibus parceretur,

spoliisque contectum iuvenis corpus, quantum militaribus studiis funus ullum concelebrari potest, structo extra vallum rogo cremaretur Manlianaque imperia non in praesentia modo horrenda, sed exempli etiam tristis in posterum essent.