<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:7.39.1-7.39.17</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:7.39.1-7.39.17</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="1"><div type="textpart" subtype="book" n="7"><div type="textpart" subtype="chapter" n="39"><div type="textpart" subtype="section" n="1"><p>consul educto in aestiva milite, dum quietos Samnites habebat,
                                    exercitum purgare missionibus turbulentorum hominum instituit,
                                    aliis emerita dicendo stipendia esse, alios graves iam aetate
                                    aut viribus parum validos.</p></div><div type="textpart" subtype="section" n="2"><p>quidam in commeatus mittebantur, singuli primo, deinde et
                                    cohortes quaedam, quia procul ab domo ac rebus suis
                                    hibernassent; per speciem etiam militarium usuum, cum alii alio
                                    mitterentur, magna pars ablegati.</p></div><div type="textpart" subtype="section" n="3"><p>quam multitudinem consul alter Romae praetorque alias ex aliis
                                    fingendo moras retinebat.</p></div><div type="textpart" subtype="section" n="4"><p>et primo quidem ignari ludificationis minime inviti domos
                                    revisebant; postquam neque reverti ad signa primos nec ferme
                                    alium, quam qui in Campania hibernassent, praecipueque ex his
                                    seditionis auctores mitti viderunt, primum admiratio, deinde
                                    haud dubius timor incessit animos consilia sua emanasse:</p></div><div type="textpart" subtype="section" n="5"><p>iam quaestiones, iam indicia, iam occulta singulorum supplicia
                                    inpotensque et crudele consulum ac patrum in se regnum passuros.
                                        <pb n="444"/></p></div><div type="textpart" subtype="section" n="6"><p>haec qui in castris erant occultis sermonibus serunt, nervos
                                    coniurationis exsectos arte consulis cernentes.</p></div><div type="textpart" subtype="section" n="7"><p><choice><sic>colors</sic><corr>cohors</corr></choice> una, cum haud procul Anxure esset, ad Lautulas saltu
                                    angusto inter mare ac montis consedit ad excipiendos, quos
                                    consul aliis atque aliis, ut ante dictum est, causis
                                    mittebat.</p></div><div type="textpart" subtype="section" n="8"><p>iam valida admodum numero manus erat, nec quicquam ad iusti
                                    exercitus formam praeter ducem deerat. inconpositi itaque
                                    praedantes in agrum Albanum perveniunt et sub iugo Albae Longae
                                    castra vallo cingunt.</p></div><div type="textpart" subtype="section" n="9"><p>perfecto inde opere reliquum diei de imperatore sumendo
                                    sententiis decertant, nulli ex praesentibus satis fidentes:</p></div><div type="textpart" subtype="section" n="10"><p>quem autem ab Roma posse exciri? quem patrum aut plebis esse, qui
                                    aut se tanto periculo sciens offerat, aut cui ex iniuria
                                    insanientis exercitus causa recte committatur?</p></div><div type="textpart" subtype="section" n="11"><p>postero die cum eadem deliberatio teneret, ex praedatoribus vagis
                                    quidam conpertum attulerunt T. Quinctium in Tusculano agrum
                                    colere, urbis honorumque inmemorem.</p></div><div type="textpart" subtype="section" n="12"><p>patriciae hic vir gentis erat, cui cum militiae magna cum gloria
                                    actae finem pes alter ex vulnere claudus fecisset, ruri agere
                                    vitam procul ambitione ac foro constituit.</p></div><div type="textpart" subtype="section" n="13"><p>nomine audito extemplo agnovere virum et, quod bene verteret,
                                    acciri iusserunt. sed parum spei erat voluntate quicquam
                                    facturum;</p></div><div type="textpart" subtype="section" n="14"><p>vim adhiberi ac metum placuit. itaque silentio noctis cum tectum
                                    villae qui ad id missi erant intrassent, somno gravem Quinctium
                                    oppressum, nihil medium, aut imperium atque honorem aut, ubi
                                    restitaret, mortem, ni sequeretur, denuntiantes, in castra
                                    pertraxerunt.</p></div><div type="textpart" subtype="section" n="15"><p>imperator extemplo adveniens appellatus, insigniaque honoris
                                    exterrito subitae rei miraculo deferunt et ad urbem ducere
                                    iubent.</p></div><div type="textpart" subtype="section" n="16"><p>suo magis inde impetu quam consilio ducis convulsis signis
                                    infesto agmine ad lapidem octavum viae, quae nunc Appia est,
                                    perveniunt;</p></div><div type="textpart" subtype="section" n="17"><p>issentque confestim ad urbem, ni venire contra exercitum
                                    dictatoremque adversus se M. Valerium Corvum dictum audissent et <choice><sic>nagistrum</sic><corr>magistrum</corr></choice> equitum L. Aemilium Mamercinum. <pb n="445"/></p></div></div></div></div></div></body></text></TEI>
                </passage>
            </reply>
            </GetPassage>