<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:39.54.1-39.54.13</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:39.54.1-39.54.13</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="3bis"><div type="textpart" subtype="book" n="39"><div type="textpart" subtype="chapter" n="54"><div type="textpart" subtype="section" n="1"><p>dum haec in Macedonia geruntur, consules in provincias
									profecti.</p></div><div type="textpart" subtype="section" n="2"><p>Marcellus nuntium praemisit ad L. Porcium proconsulem, ut ad
									novum Gallorum oppidum legiones admoveret.</p></div><div type="textpart" subtype="section" n="3"><p>advenienti consuli Galli sese dediderunt. duodecim milia
									armatorum erant: plerique arma ex agris rapta habebant:</p></div><div type="textpart" subtype="section" n="4"><p>ea aegre patientibus iis adempta, quaeque alia aut populantes
									agros rapuerant aut secum attulerant. de his rebus qui
									quererentur, legatos Romam miserunt.</p></div><div type="textpart" subtype="section" n="5"><p>introducti in senatum a C. Valerio praetore exposuerunt se
									superante in Gallia multitudine inopia coactos agri et egestate
									ad quaerendam sedem Alpes transgressos, quae inculta per
									solitudines viderent, ibi sine ullius iniuria consedisse.</p></div><div type="textpart" subtype="section" n="6"><p>oppidum quoque aedificare coepisse, quod indicium esset <choice><sic>nee</sic><corr>nec</corr></choice> agro nec urbi ulli vim adlaturos venisse. nuper M.
									Claudium ad se nuntium misisse bellum se cum iis, ni dederentur,
									gesturum. se certam,</p></div><div type="textpart" subtype="section" n="7"><p>etsi non speciosam pacem quam incerta belli praeoptantes
									dedidisse se prius in fidem quam in <pb n="55"/> potestatem
									populi Romani.</p></div><div type="textpart" subtype="section" n="8"><p>post paucos dies iussos et urbe et agro decedere sese tacitos
									abire, quo terrarum possent, in animo habuisse. arma deinde
									sibi, et postremo omnia alia, quae ferrent agerentque,
									adempta.</p></div><div type="textpart" subtype="section" n="9"><p>orare se senatum populumque Romanum, ne in se innoxios deditos
									acerbius quam in hostes saevirent.</p></div><div type="textpart" subtype="section" n="10"><p>huic orationi senatus ita responderi iussit, neque illos recte
									fecisse, cum in Italiam venerint oppidumque in alieno agro,
									nullius Romani magistratus, qui ei provinciae praeesset,
									permissu aedificare conati sint;</p></div><div type="textpart" subtype="section" n="11"><p>neque senatui placere deditos spoliari. itaque se cum iis legatos
									ad consulem missuros, qui, si redeant, unde venerint, omnia iis
									sua reddi iubeant, quique protinus eant trans Alpes, et
									denuntient Gallicis populis, multitudinem suam domi
									continent:</p></div><div type="textpart" subtype="section" n="12"><p>Alpes prope inexsuperabilem finem in medio esse: non utique iis
									melius fore <hi rend="italics">quamn</hi> qui eas primi pervias
									fecissent.</p></div><div type="textpart" subtype="section" n="13"><p>legati missi L. Furius Purpurio Q. Minucius L. Manlius Acidinus.
									Galli, redditis omnibus, quae sine cuiusquam iniuria habebant,
									Italia excesserunt.</p></div></div></div></div></div></body></text></TEI>
                </passage>
            </reply>
            </GetPassage>