<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:38.35.1-38.35.10</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:38.35.1-38.35.10</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="3"><div type="textpart" subtype="book" n="38"><div type="textpart" subtype="chapter" n="35"><div type="textpart" subtype="section" n="1"><p>A concilio, ubi ad consulem inter Achaeos Lacedaemoniosque
									disceptatum est, M. Fulvius, quia iam in exitu annus erat,
									comitiorum causa profectus Romam creavit consules M. Valerium
									Messalam et C. Livium Salinatorem, cum M. Aemilium Lepidum
									inimicum eo quoque anno petentem deiecisset.</p></div><div type="textpart" subtype="section" n="2"><p>praetores inde creati Q. Marcius Philippus M. Claudius Marcellus
									C. Stertinius C. Atinius P. Claudius Pulcher L. Manlius
									Acidinus.</p></div><div type="textpart" subtype="section" n="3"><p>comitiis perfectis consulem M. Fulvium in provinciam et ad
									exercitum redire placuit, eique et collegae Cn. Manlio imperium
									in annum <pb n="387"/> prorogatum est.</p></div><div type="textpart" subtype="section" n="4"><p>eo anno in aede Herculis signum dei ipsius ex decemvirorum
									responso, et seiuges in Capitolio aurati a P. Cornelio positi;
									consulem dedisse inscriptum est.</p></div><div type="textpart" subtype="section" n="5"><p>et duodecim clipea aurata ab aedilibus curulibus P. Claudio
									Pulchro et Ser. Sulpicio Galba sunt posita ex pecunia, qua
									frumentarios ob annonam compressam damnarunt;</p></div><div type="textpart" subtype="section" n="6"><p>et aedilis plebi Q. Fulvius Flaccus duo signa aurata uno reo
									damnato — nam separatim accusaverant — posuit; collega eius A.
									Caecilius neminem condemnavit. ludi Romani ter, plebei
									quinquiens toti instaurati. </p></div><div type="textpart" subtype="section" n="7"><p>M. Valerius Messala inde et C. Livius Salinator consulatum idibus
									Martiis cum inissent, de re publica deque provinciis et
									exercitibus senatum consuluerunt.</p></div><div type="textpart" subtype="section" n="8"><p>de Aetolia et Asia nihil mutatum est; consulibus alteri Pisae cum
									Liguribus, alteri Gallia provincia decreta est.</p></div><div type="textpart" subtype="section" n="9"><p>comparare inter se aut sortiri iussi et novos exercitus, binas
									legiones, scribere, et ut sociis Latini nominis quina dena milia
									peditum imperarent et mille et ducentos equites.</p></div><div type="textpart" subtype="section" n="10"><p>Messalae Ligures, Salinatori obtigit Gallia. praetores inde
									sortiti sunt: M. Claudio urbana, P. Claudio peregrina
									iurisdictio evenit; Q. Marcius Siciliam, C. Stertinius
									Sardiniam, L. Manlius Hispaniam citeriorem, C. Atinius
									ulteriorem est sortitus.</p></div></div></div></div></div></body></text></TEI>
                </passage>
            </reply>
            </GetPassage>