<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:3.28.1-3.28.11</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:3.28.1-3.28.11</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="1"><div type="textpart" subtype="book" n="3"><div type="textpart" subtype="chapter" n="28"><div type="textpart" subtype="section" n="1"><p>ibi dictator, quantum nocte prospici poterat, equo circumvectus
                                    contemplatusque, qui tractus castrorum quaeque forma esset,
                                    tribunis militum imperavit, ut sarcinas in unum conici iubeant,
                                    militem cum armis valloque redire in ordines suos. facta quae
                                    imperavit. turn,</p></div><div type="textpart" subtype="section" n="2"><p>quo fuerant ordine in via, exercitum omnem longo agmine circumdat
                                    hostium castris et, ubi signum datum sit, clamorem omnes tollere
                                    iubet, clamore sublato ante se quemque ducere fossam et iacere
                                    vallum.</p></div><div type="textpart" subtype="section" n="3"><p>edito imperio signum secutum est. iussa miles exsequitur. clamor
                                    hostes circumsonat; superat inde castra hostium et in castra
                                    consulis venit;</p></div><div type="textpart" subtype="section" n="4"><p>alibi pavorem, alibi gaudium ingens facit. Romani civilem esse
                                    clamorem atque auxilium adesse inter se gratulantes ultro ex
                                    stationibus ac vigiliis territant hostem.</p></div><div type="textpart" subtype="section" n="5"><p>consul differendum negat: illo clamore non adventum modo
                                    significari, sed rem ab suis coeptam; mirumque esse, ni iam
                                    exteriore parte castra hostium oppugnentur.</p></div><div type="textpart" subtype="section" n="6"><p>itaque arma suos capere et se subsequi iubet. nocte initum
                                    proelium est; legionibus dictatoris clamore significant ab ea
                                    quoque parte rem in discrimine esse.</p></div><div type="textpart" subtype="section" n="7"><p>iam se ad prohibenda circumdari opera Aequi parabant, cum ab
                                    interiore hoste proelio coepto, ne per media sua castra fieret
                                    eruptio, a munientibus ad pugnantes introrsum versi vacuam
                                    noctem operi dedere; pugnatumque cum consule ad lucem est.</p></div><div type="textpart" subtype="section" n="8"><p>luce prima iam circumvallati ab dictatore erant et vix adversus
                                    unum exercitum pugnam sustinebant. tum a Quinctiano exercitu,
                                    qui confestim a perfecto opere ad arma rediit, invaditur vallum.
                                    hic instabat nova pugna; illa nihil remiserat prior.</p></div><div type="textpart" subtype="section" n="9"><p>tum ancipiti malo urgente a proelio ad preces versi hinc
                                    dictatorem, hinc consulem orare, ne in occidione victoriam
                                    ponerent, ut inermes se inde abire sinerent. ab consule ad
                                    dictatorem ire iussi; is ignominiam infensus addidit:</p></div><div type="textpart" subtype="section" n="10"><p>Gracchum Cloelium ducem <pb n="169"/> principesque alios vinctos
                                    ad se adduci iubet, oppido Corbione decedi. sanguinis se
                                    Aequorum non egere; licere abire; sed, ut exprimatur tandem
                                    confessio subactam domitamque esse gentem, sub iugum
                                    abituros.</p></div><div type="textpart" subtype="section" n="11"><p>tribus hastis iugum fit humi fixis duabus superque eas transversa
                                    una deligata. sub hoc iugum dictator Aequos misit.</p></div></div></div></div></div></body></text></TEI>
                </passage>
            </reply>
            </GetPassage>