<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:28.46.1-28.46.16</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:28.46.1-28.46.16</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="2"><div type="textpart" subtype="book" n="28"><div type="textpart" subtype="chapter" n="46"><div type="textpart" subtype="section" n="1"><p>profectus in Siciliam est triginta navibus longis voluntariorum
									septem ferme milibus in naves impositis.</p></div><div type="textpart" subtype="section" n="2"><p>et P. Licinius in Bruttios ad duos exercitus consulares
									venit.</p></div><div type="textpart" subtype="section" n="3"><p>ex iis eum sibi sumpsit, quem L. Veturius consul habuerat;
									Metello, ut, quibus praefuisset legionibus, iis praeesset,
									facilius cum adsuetis imperio rem gesturum ratus, permisit.</p></div><div type="textpart" subtype="section" n="4"><p>et praetores diversi in provincias profecti. et quia pecunia ad
									bellum deerat, agri Campani regionem a fossa Graeca ad mare
									versam vendere quaestores iussi,</p></div><div type="textpart" subtype="section" n="5"><p>indicio quoque permisso, qui ager civis Campani fuisset, uti is
									publicus populi Romani esset; indici praemium constitutum
									quantae pecuniae ager indicatus esset pars decuma.</p></div><div type="textpart" subtype="section" n="6"><p>et Cn. Servilio praetori urbano negotium datum, ut Campani cives,
									ubi cuique ex senatus consulto liceret habitare, ibi habitarent,
									animadverteretque in eos, qui alibi habitarent.</p></div><div type="textpart" subtype="section" n="7"><p>eadem aestate Mago Hamilcaris filius ex minore Baliarium insula,
									ubi hibernarat, iuventute lecta in classem imposita, in Italiam
									triginta ferme rostratis navibus et multis onerariis duodecim
									milia peditum,</p></div><div type="textpart" subtype="section" n="8"><p>duo ferme equitum traiecit Genuamque nullis praesidiis maritumam
									oram tutantibus repentino adventu cepit. inde ad oram Ligurum
									Alpinorum, si quos ibi motus facere posset, classem appulit.</p></div><div type="textpart" subtype="section" n="9"><p>Ingauni — Ligurum ea gens est — bellum ea tempestate gerebant cum
									Epanteriis Montanis.</p></div><div type="textpart" subtype="section" n="10"><p>igitur Poenus Savone, oppido Alpino, praeda deposita et decem
									longis navibus in statione ad praesidium relictis, ceteris
									Carthaginem missis ad tuendam maritumam oram, quia fama erat
									Scipionem traiecturum,</p></div><div type="textpart" subtype="section" n="11"><p>ipse societate cum Ingaunis, quorum gratiam malebat, composita
									Montanos instituit oppugnare. et crescebat exercitus in dies, ad
									famam nominis eius Gallis undique confluentibus.</p></div><div type="textpart" subtype="section" n="12"><p>ea <hi rend="italics">res</hi> litteris cognita Sp. Lucreti, ne
									frustra Hasdrubale cum exercitu deleto biennio ante forent
									laetati, si par <pb n="484"/> aliud inde bellum, duce tantum
									mutato, oreretur, curam ingentem accendit patribus.</p></div><div type="textpart" subtype="section" n="13"><p>itaque et M. Livium proconsulem ex Etruria volonum exercitum
									admovere Ariminum iusserunt, et Cn. Servilio praetori negotium
									datum, ut, si e re publica censeret esse, duas urbanas legiones,
									imperio cui videretur dato, ex urbe duci iuberet. M. Valerius
									Laevinus Arretium eas legiones duxit.</p></div><div type="textpart" subtype="section" n="14"><p>eisdem diebus naves onerariae Poenorum ad octoginta circa
									Sardiniam ab Cn. Octavio, qui provinciae praeerat, captae. eas
									Coelius frumento misso ad Hannibalem commeatuque onustas,
									Valerius praedam Etruscam Ligurumque Montanorum captivos
									Carthaginem portantes captas tradit.</p></div><div type="textpart" subtype="section" n="15"><p>in Bruttiis nihil ferme anno eo memorabile gestum. pestilentia
									incesserat pari clade in Romanos Poenosque, nisi quod Punicum
									exercitum super morbum etiam fames adfecit.</p></div><div type="textpart" subtype="section" n="16"><p>propter Iunonis Laciniae templum aestatem Hannibal egit, ibique
									aram condidit dedicavitque cum ingenti rerum ab se <choice><sic>gestarumi</sic><corr>gestarum</corr></choice> titulo, Punicis Graecisque litteris insculpto.</p></div></div></div></div></div></body></text></TEI>
                </passage>
            </reply>
            </GetPassage>