<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:25.41.1-25.41.13</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:25.41.1-25.41.13</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="2"><div type="textpart" subtype="book" n="25"><div type="textpart" subtype="chapter" n="41"><div type="textpart" subtype="section" n="1"><p>enimvero indignum ratus Marcellus se, qui Hannibalem subnixum
									victoria Cannensi ab Nola reppulisset, his terra marique victis
									ab se hostibus cedere, arma propere capere milites et efferri
									signa iubet.</p></div><div type="textpart" subtype="section" n="2"><p>instruente exercitum decem effusis equis advolant ex hostium acie
									Numidae nuntiantes populares suos, primum ea seditione motos,
									qua trecenti ex numero suo concesserint Heracleam,</p></div><div type="textpart" subtype="section" n="3"><p>dein quod praefectum suum ab obtrectantibus ducibus gloriae eius
									sub ipsam certaminis diem ablegatum videant, quieturos in
									pugna.</p></div><div type="textpart" subtype="section" n="4"><p>gens fallax promissi fidem praestitit. itaque et Romanis crevit
									animus nuntio celeri per ordines misso, destitutum ab equite
									hostem esse, quem maxime timuerant,</p></div><div type="textpart" subtype="section" n="5"><p>et territi hostes, praeterquam quod maxima parte virium suarum
									non iuvabantur, timore etiam incusso, ne ab suomet ipsi equite
									oppugnarentur.</p></div><div type="textpart" subtype="section" n="6"><p>itaque haud magni certaminis fuit <hi rend="italics">proelium;</hi> primus clamor atque inpetus rem decrevit.
									Numidae cum in concursu quieti stetissent in cornibus, ut terga
									dantis suos viderunt, fugae tantum parumper comites facti,</p></div><div type="textpart" subtype="section" n="7"><p>postquam omnes Agrigentum trepido agmine petentes viderunt, ipsi
									metu obsidionis passim in civitatis proxumas dilapsi. multa
									milia hominum caesa, capta <hi rend="italics">sex milia</hi> et
									octo elephanti. haec ultima in Sicilia Marcelli pugna fuit.
									victor inde Syracusas rediit. iam ferme in exitu annus erat;</p></div><div type="textpart" subtype="section" n="8"><p>itaque senatus Romae decrevit, ut P. Cornelius praetor litteras
									Capuam ad consules mitteret:</p></div><div type="textpart" subtype="section" n="9"><p>dum Hannibal procul abesset, nec ulla magni discriminis res ad
									Capuam gereretur, alter eorum, si ita videretur, ad magistratus
									subrogandos Romam veniret.</p></div><div type="textpart" subtype="section" n="10"><p>litteris acceptis inter se <pb n="290"/> consules compararunt, ut
									Claudius comitia perficeret, Fulvius ad Capuam maneret.</p></div><div type="textpart" subtype="section" n="11"><p>consules Claudius creavit Cn. Fulvium <choice><sic>Centimalum</sic><corr>Centumalum</corr></choice> et P. Sulpicium Servii filium Galbam, qui nullum antea
									curulem magistratum gessisset.</p></div><div type="textpart" subtype="section" n="12"><p>praetores deinde creati <hi rend="italics">L. Cornelius Lentulus
										M.</hi> Cornelius Cethegus C. Sulpicius <hi rend="italics">C. Calpurnius</hi> Piso.</p></div><div type="textpart" subtype="section" n="13"><p>Pisoni iuris dictio urbana, Sulpicio Sicilia, Cethego Apulia,
									Lentulo Sardinia evenit. <choice><sic>consulibua</sic><corr>consulibus</corr></choice> prorogatum in annum imperium est.</p></div></div></div></div></div></body></text></TEI>
                </passage>
            </reply>
            </GetPassage>