<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:21.18.4-21.18.14</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:21.18.4-21.18.14</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="2"><div type="textpart" subtype="book" n="21"><div type="textpart" subtype="chapter" n="18"><div type="textpart" subtype="section" n="4"><p>“praeceps vestra, Romani, et prior legatio fuit, cum Hannibalem
									tamquam suo consilio Saguntum oppugnantem deposcebatis; ceterum
									haec legatio verbis adhuc lenior est, re asperior. tunc enim
									Hannibal et insimulabatur et deposcebatur;</p></div><div type="textpart" subtype="section" n="5"><p>nunc ab nobis et confessio culpae exprimitur et ut a confessis
									res extemplo repetuntur.</p></div><div type="textpart" subtype="section" n="6"><p>ego autem non privato publicone consilio Saguntum oppugnatum sit
									quaerendum censeam, sed utrum iure an iniuria.</p></div><div type="textpart" subtype="section" n="7"><p>nostra enim haec quaestio atque animadversio in civem nostrum
									est, quid nostro aut suo fecerit arbitrio; vobiscum una
									disceptatio est, licueritne per foedus fieri.</p></div><div type="textpart" subtype="section" n="8"><p>itaque quoniam discerni placet, quid publico consilio, quid sua
									sponte imperatores faciant, nobis vobiscum foedus est a C.
									Lutatio consule ictum, in quo cum caveretur utrorumque sociis,
									nihil de Saguntinis — necdum enim erant socii — cautum est.</p></div><div type="textpart" subtype="section" n="9"><p>at enim eo foedere, quod cum Hasdrubale ictum est, Saguntini
									excipiuntur. adversus quod ego nihil dicturus sum, nisi quod a
									vobis didici.</p></div><div type="textpart" subtype="section" n="10"><p>vos enim quod C. Lutatius consul primo nobiscum foedus icit, quia
									neque <hi rend="italics">ex</hi> auctoritate patrum nec populi
									iussu ictum erat, negastis vos eo teneri; itaque aliud de
									integro foedus publico consilio ictum est.</p></div><div type="textpart" subtype="section" n="11"><p>si vos non tenent foedera vestra nisi ex auctoritate aut iussu
									vestro icta, ne nos quidem Hasdrubalis foedus, quod nobis
									insciis icit, obligare potuit.</p></div><div type="textpart" subtype="section" n="12"><p>proinde omittite Sagunti atque Hiberi mentionem facere, et, quod
									diu parturit animus vester, aliquando pariat.”</p></div><div type="textpart" subtype="section" n="13"><p>tum Romanus sinu ex toga facto “Hic” inquit “vobis bellum et
									pacem portamus: utrum placet, sumite.” sub hanc vocem <choice><sic>baud</sic><corr>haud</corr></choice><pb n="17"/> minus ferociter, daret utrum vellet,
									succlamatum est.</p></div><div type="textpart" subtype="section" n="14"><p>et cum is iterum sinu effuso bellum dare dixisset accipere se
									omnes responderunt et, quibus acciperent animis, isdem se
									gesturos.</p></div></div></div></div></div></body></text></TEI>
                </passage>
            </reply>
            </GetPassage>