<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:1.17.2-1.17.11</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:1.17.2-1.17.11</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="1"><div type="textpart" subtype="book" n="1"><div type="textpart" subtype="chapter" n="17"><div type="textpart" subtype="section" n="2"><p>oriundi ab Sabinis, ne, quia post Tatii mortem ab sua parte non
                                    erat regnatum, in societate aequam possessionem imperii
                                    amitterent, sui corporis creari regem volebant;</p></div><div type="textpart" subtype="section" n="3"><p>Romani veteres peregrinum regem aspernabantur. in variis
                                    voluntatibus regnari tamen omnes volebant libertatis dulcedine
                                    nondum experta.</p></div><div type="textpart" subtype="section" n="4"><p>timor deinde patres incessit, ne <choice><sic>civitater</sic><corr>ciuitatem</corr></choice> sine imperio, exercitum sine duce multarum circa
                                    civitatium inritatis animis vis aliqua externa adoriretur. et
                                    esse igitur aliquod caput placebat, et nemo alteri concedere in
                                    animum inducebat.</p></div><div type="textpart" subtype="section" n="5"><p>ita rem inter se centum patres decem decuriis factis singulisque
                                    in singulas decurias creatis, qui summae rerum praeessent,
                                    consociant. decem imperitabant; unus cum insignibus imperii et
                                    lictoribus erat;</p></div><div type="textpart" subtype="section" n="6"><p>quinque dierum spatio finiebatur imperium ac per omnes in orbem
                                    ibat; annuumque intervallum regni <choice><sic>fruit.</sic><corr>fuit.</corr></choice> id ab re, quod nunc quoque tenet nomen, interregnum
                                    appellatum. fremere deinde plebs multiplicatam servitutem,</p></div><div type="textpart" subtype="section" n="7"><p>centum pro uno dominos factos: nec ultra nisi regem et ab ipsis
                                    creatum videbantur passuri.</p></div><div type="textpart" subtype="section" n="8"><p>cum sensissent ea moveri patres, offerendum ultro rati, quod
                                    amissuri erant, ita gratiam ineunt summa potestate populo
                                    permissa, ut non plus darent iuris, quam retinerent.</p></div><div type="textpart" subtype="section" n="9"><p>decreverunt enim, ut, cum populus regem iussisset, id sic ratum
                                    esset, si patres auctores fierent. hodie quoque in legibus
                                    magistratibusque rogandis usurpatur idem ius vi adempta;
                                    priusquam populus suffragium ineat, in incertum comitiorum
                                    eventum patres auctores fiunt.</p></div><div type="textpart" subtype="section" n="10"><p><choice><sic>tur</sic><corr>tum</corr></choice> interrex contione advocata “quod bonum, faustum
                                    felixque sit” inquit “Quirites, regem create; ita patribus visum
                                    est. patres deinde, si dignum, qui secundus ab Romulo numeretur,
                                    crearitis, auctores fient.”</p></div><div type="textpart" subtype="section" n="11"><p>adeo id gratum plebi fuit, ut, ne victi beneficio viderentur, id
                                    modo <pb n="22"/> sciscerent iuberentque, ut senatus decerneret,
                                    qui Romae regnaret.</p></div></div></div></div></div></body></text></TEI>
                </passage>
            </reply>
            </GetPassage>