<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0914.phi001.perseus-lat2:1.10.1-1.10.7</requestUrn>
            </request>
            <reply>
                <urn>urn:cts:latinLit:phi0914.phi001.perseus-lat2:1.10.1-1.10.7</urn>
                <passage>
                    <TEI xmlns="http://www.tei-c.org/ns/1.0" xml:lang="eng"><text><body><div xml:lang="lat" type="edition" n="urn:cts:latinLit:phi0914.phi001.perseus-lat2"><div type="textpart" subtype="part" n="1"><div type="textpart" subtype="book" n="1"><div type="textpart" subtype="chapter" n="10"><div type="textpart" subtype="section" n="1"><p>iam admodum mitigati animi raptis erant; at raptarum parentes tum
                                    maxime sordida veste lacrimisque et querellis civitates
                                    concitabant. nec domi tantum indignationes continebant, sed
                                    congregabantur undique ad T. Tatium, regem Sabinorum, et
                                    legationes eo, quod maximum Tatii nomen in iis regionibus erat,
                                    conveniebant.</p></div><div type="textpart" subtype="section" n="2"><p>Caeninenses Crustuminique et Antemnates erant, ad quos eius
                                    iniuriae pars pertinebat. lente agere his Tatius Sabinique visi
                                    sunt; ipsi inter se tres populi communiter bellum parant.</p></div><div type="textpart" subtype="section" n="3"><p>ne Crustumini quidem atque Antemnates pro ardore iraque
                                    Caeninensium satis se inpigre movent; ita per se ipsum nomen
                                    Caeninum in agrum Romanum impetum facit.</p></div><div type="textpart" subtype="section" n="4"><p>sed effuse vastantibus fit obvius cum exercitu Romulus levique
                                    certamine docet vanam sine viribus iram esse. exercitum fundit
                                    fugatque, fusum persequitur; regem in proelio obtruncat et
                                    spoliat; duce hostium occiso urbem primo impetu capit.</p></div><div type="textpart" subtype="section" n="5"><p>inde exercitu victore reducto ipse, cum factis vir magnificus tum
                                    factorum ostentator haud minor, spolia ducis hostium caesi
                                    suspensa fabricato ad id apte ferculo gerens in Capitolium
                                    escendit ibique ea cum ad quercum pastoribus sacram deposuisset,
                                    simul cum dono designavit templo Iovis finis cognomenque addidit
                                    deo.</p></div><div type="textpart" subtype="section" n="6"><p>“Iuppiter Feretri” inquit, “haec tibi victor Romulus rex regia
                                    arma fero templumque his regionibus, quas modo animo metatus
                                    sum, dedico, sedem opimis spoliis, quae regibus ducibusque
                                    hostium caesis <pb n="15"/> me auctorem sequentes posteri
                                    ferent.”</p></div><div type="textpart" subtype="section" n="7"><p>haec templi est origo, quod primum omnium Romae sacratum est. ita
                                    deinde diis visum, nec inritam conditoris templi vocem esse, qua
                                    laturos eo spolia posteros nuncupavit, nec multitudine conpotum
                                    eius doni vulgari laudem. bina postea inter tot annos, tot bella
                                    opima parta sunt spolia; adeo rara eius fortuna decoris
                                    fuit.</p></div></div></div></div></div></body></text></TEI>
                </passage>
            </reply>
            </GetPassage>