<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0893.phi004.perseus-lat2:1.9.21-1.9.40</requestUrn>
            </request>
            <reply>
                <urn>urn:cts:latinLit:phi0893.phi004.perseus-lat2:1.9.21-1.9.40</urn>
                <passage>
                    <TEI xmlns="http://www.tei-c.org/ns/1.0"><text xml:lang="lat"><body><div xml:lang="lat" type="edition" n="urn:cts:latinLit:phi0893.phi004.perseus-lat2"><div type="textpart" n="1" subtype="book"><div type="textpart" n="9" subtype="poem"><l n="21">cum gravius dorso subiit onus. incipit ille: </l><l n="22">‘si bene me novi, non Viscum pluris amicum, </l><l n="23">non Varium facies; nam quis me scribere pluris </l><l n="24">aut citius possit versus? quis membra movere </l><l n="25">mollius? invideat quod et Hermogenes, ego canto.’ </l><l n="26">interpellandi locus hic erat ‘est tibi mater, </l><l n="27">cognati, quis te salvo est opus?’ ‘haud mihi quisquam. </l><l n="28">omnis conposui.’ ‘felices. nunc ego resto. </l><l n="29">confice; namque instat fatum mihi triste, Sabella </l><l n="30">quod puero cecinit divina mota anus urna: </l><l n="31">“hunc neque dira venena nec hosticus auferet ensis </l><l n="32">nec laterum dolor aut tussis nec tarda podagra: </l><l n="33">garrulus hunc quando consumet cumque: loquaces, </l><l n="34">si sapiat, vitet, simul atque adoleverit aetas.” <milestone ed="p" n="35" unit="card"/>
                  </l><l n="35">ventum erat ad Vestae, quarta iam parte diei </l><l n="36">praeterita, et casu tum respondere vadato </l><l n="37">debebat, quod ni fecisset, perdere litem. </l><l n="38">‘si me amas,’ inquit ‘paulum hic ades.’ ‘inteream, si </l><l n="39">aut valeo stare aut novi civilia iura; </l><l n="40">et propero quo scis.’ ‘dubius sum, quid faciam’, inquit, </l></div></div></div></body></text></TEI>
                </passage>
            </reply>
            </GetPassage>