<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0893.phi004.perseus-lat2:1.3.41-1.3.60</requestUrn>
            </request>
            <reply>
                <urn>urn:cts:latinLit:phi0893.phi004.perseus-lat2:1.3.41-1.3.60</urn>
                <passage>
                    <TEI xmlns="http://www.tei-c.org/ns/1.0"><text xml:lang="lat"><body><div xml:lang="lat" type="edition" n="urn:cts:latinLit:phi0893.phi004.perseus-lat2"><div type="textpart" n="1" subtype="book"><div type="textpart" n="3" subtype="poem"><l n="41">vellem in amicitia sic erraremus et isti </l><l n="42">errori nomen virtus posuisset honestum. </l><l n="43">ac pater ut gnati, sic nos debemus amici  </l><l n="44">siquod sit vitium non fastidire. strabonem </l><l n="45">appellat paetum pater, et pullum, male parvos </l><l n="46">sicui filius est, ut abortivus fuit olim </l><l n="47">Sisyphus; hunc Varum distortis cruribus, illum </l><l n="48">balbutit Scaurum pravis fultum male talis. </l><l n="49">parcius hic vivit: frugi dicatur; ineptus </l><l n="50">et iactantior hic paulo est: concinnus amicis </l><l n="51">postulat ut videatur; at est truculentior atque </l><l n="52">plus aequo liber: simplex fortisque habeatur; </l><l n="53">caldior est: acris inter numeretur. opinor, </l><l n="54">haec res et iungit iunctos et servat amicos. </l><l n="55">at nos virtutes ipsas invertimus atque </l><l n="56">sincerum furimus vas incrustare. probus quis </l><l n="57">nobiscum vivit, multum demissus homo: illi </l><l n="58">tardo cognomen, pingui damus. hic fugit omnis </l><l n="59">insidias nullique malo latus obdit apertum, </l><l n="60">cum genus hoc inter vitae versemur, ubi acris </l></div></div></div></body></text></TEI>
                </passage>
            </reply>
            </GetPassage>