<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0620.phi001.perseus-lat3:4.8.61-4.8.80</requestUrn>
            </request>
            <reply>
                <urn>urn:cts:latinLit:phi0620.phi001.perseus-lat3:4.8.61-4.8.80</urn>
                <passage>
                    <TEI xmlns="http://www.tei-c.org/ns/1.0"><text><body><div type="edition" n="urn:cts:latinLit:phi0620.phi001.perseus-lat3" xml:lang="lat"><div type="textpart" subtype="book" n="4"><div type="textpart" subtype="poem" n="8"><l n="61">illas direptisque comis tunicisque tis</l><l n="62">excipit obscurae prima taberna uiae.</l><l n="63">Cynthia gaudet in exuuiis uictrixque recurrit</l><l n="64">et mea peruersa sauciat ora manu,</l><l n="65">imponitque notam collo morsuque cruentat,</l><l n="66">praecipueque oculos, qui meruere, ferit.</l><l n="67">atque ubi iam nostris lassauit bracchia plagis,</l><l n="68">Lygdamus ad plutei fulcra sinistra latens</l><l n="69">eruitur, geniumque meum protractus adorat.</l><l n="70">Lygdame,nil potui: tecum ego captus eram.</l><l n="71">supplicibus palmis tum demum ad foedera ueni,</l><l n="72">cum uix tangendos praebuit illa pedes,</l><l n="73">atque ait ‘admissae si uis me ignoscere culpae,</l><l n="74">accipe, quae nostrae formula legis erit.</l><l n="75">tu neque Pompeia spatiabere cultus in umbra,</l><l n="76">nec cum lasciuum sternet harena Forum.</l><l n="77">colla caue inflectas ad summum obliqua theatrum,</l><l n="78">aut lectica tuae se det aperta morae.</l><l n="79">Lygdamus in primis, omnis mihi causa querelae,</l><l n="80">ueneat et pedibus uincula bina trahat.’</l></div></div></div></body></text></TEI>
                </passage>
            </reply>
            </GetPassage>