<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0620.phi001.perseus-lat3:2.31.1-2.31.16</requestUrn>
            </request>
            <reply>
                <urn>urn:cts:latinLit:phi0620.phi001.perseus-lat3:2.31.1-2.31.16</urn>
                <passage>
                    <TEI xmlns="http://www.tei-c.org/ns/1.0"><text><body><div type="edition" n="urn:cts:latinLit:phi0620.phi001.perseus-lat3" xml:lang="lat"><div type="textpart" subtype="book" n="2"><div type="textpart" subtype="poem" n="31"><l n="1">QVAERIS, cur veniam tibi tardior? aurea Phoebi</l><l n="2">porticus a magno Caesare aperta fuit.</l><l n="3">tantam erat in speciem Poenis digesta columnis,</l><l n="4">inter quas Danai femina turba senis.</l><l n="5">hic equidem Phoebo visus mihi pulchrior ipso</l><l n="6">marmoreus tacita carmen hiare lyra;</l><l n="7">atque aram circum steterant armenta Myronis,</l><l n="8">quattuor artificis, vivida signa, boves.</l><l n="9">tum medium claro surgebat marmore templum,</l><l n="10">et patria Phoebo carius Ortygia:</l><l n="11">in quo Solis erat supra fastigia currus;</l><l n="12">et valvae, Libyci nobile dentis opus,</l><l n="13">altera deiectos Parnasi vertice Gallos,</l><l n="14">altera maerebat funera Tantalidos.</l><l n="15">deinde inter matrem deus ipse interque sororem</l><l n="16">Pythius in longa carmina veste sonat.</l></div></div></div></body></text></TEI>
                </passage>
            </reply>
            </GetPassage>