At hic ne—D.Maximo malo suo,si attigerit sive occeptassit.Trach.Cura.Daem.Curatumst, abi.Trach.Hunc quoque adserva ipsum, ne quo abitat; nam promisimuscarnufici aut talentum magnum aút hunc hodie sistere.Daem.Abi modo, ego dum hoc curabo recte.Trach.Iam ego revenero.

Daem.Vtrum tu, leno, cum malo lubentiusquiescis an sic sine malo, si copiast?Labr.Ego quae tu loquere flocci non facio, senex.meas quidem te invito et Venere et summo Iovede ara capillo iam deripiam.Daem.Tange dum.Labr.Tangam hercle vero.Daem.Agedum ergo, accede huc modo.Labr.Iube dúm recedere istos ambo illuc modo.Daem.Immo ad te accedent.Labr.Non hercle equidem censeo.