GetPassage urn:cts:latinLit:phi0119.phi013.perseus-lat2:928a-943a urn:cts:latinLit:phi0119.phi013.perseus-lat2:928a-943a

Faciam, ut iubes.Th.Curriculo iube in urbem veniat iam simul tecum.Tr.Licet.nunc ego me illac per posticum ad congerrones conferam.dicam ut hic res sint quietae atque hunc ut hinc amoverim.—

Phan.Hic quidem neque convivarum sonitus, item ut antehac fuit,neque tibicinam cantantem neque alium quemquam audio.Th.Quae illaec res est? quid illisce homines quaerunt apud aedis meas?quid volunt? quid intro spectant?Pin.Pergam pultare ostium.heus, reclude, heus, Tranio, etiamne aperis?Th.Quae haec est fabula?Pin.Etiamne aperis? Callidamati nostro adversum venimus.Th.Heus vos, pueri, quid istic agitis? quid istas aedis frangitis?Phan.Heus senex, quid tu percontare ad te quod nihil attinet?Th.Nihil ad me attinet?Phan.Nisi forte factus esfactu's praefectus novos,qui res alienas procures, quaeras videas audias.Th.Non sunt istae aedis, ubi statis.Phan.Quid ais? an iam vendidit