GetPassage urn:cts:latinLit:phi0119.phi013.perseus-lat2:454a-466 urn:cts:latinLit:phi0119.phi013.perseus-lat2:454a-466

Cur non tangerem?quin pultando, inquam, paene confregi foris.Tr.Tetigistin?Th.Tetigi, inquam, et pultavi.Tr.Vah.Th.Quid est?Tr.Male hercle factum.Th.Quid est negoti?Tr.Non potestdici, quam indignum facinus fecisti et malum.Th.Quid iam?Tr.Fuge, obsecro, atque abscede ab aedibus.fuge huc, fuge ad me propius. tetigistin foris?Th.Quo modo pultare potui, si non tangerem?Tr.Occidisti hercle—Th.Quem mortalem?Tr.Omnis tuos.Th.Di te deaeque ómnes faxint cum istoc omine—Tr.Metuo, te atque istos expiare ut possies.Th.Quam ob rem? aut quam subito rem mihi adportas novam?