GetPassage urn:cts:latinLit:phi0119.phi011.perseus-lat2:482b-492 urn:cts:latinLit:phi0119.phi011.perseus-lat2:482b-492

Te nunc consulo.responde: quo leto censes me ut peream potissimum?Evt.Non taces? cave tu istuc dixis.Char.Quid vis me igitur dicere?Evt.Vin patri sublinere pulchre me os tuo?Char.Sane volo.E.Visne eam ad portum—C.Qui potius quam voles?E.Atque eximammulierem pretio?C.Qui potius quam auro expendas?E.Vnde erit?Char.Achillem orabo, aurum ut mihi det, Hector qui expensus fuit.Evt.Sanun es?Char.Pol sanus si sim, non te medicum mi expetam.Evt.Tanti quanti poscit, vin tanti illam emi?Char.Auctariumadicito vel mille nummum plus quam poscet.Evt.Iam tace.sed quid ais? unde erit argentum quod des, quom poscet pater?