Dicito: curabitur.et palla et spinter faxo referantur simul.Anc.Amabo, mi Menaechme, inauris da mihifaciendas pondo duom nummum, stalagmia,ut te libenter videam, quom ad nos veneris.Men.Fiat. cedo aurum, ego manupretium dabo.Anc.Da sodes abs te: ego post reddidero tibi.Men.Immo cedo abs te: ego post tibi reddam duplex.Anc.Non habeo.Men.At tu, quando habebis, tum dato.Anc.Numquid me vis?—Men.Haec me curaturum dicito—ut quantum possint quique liceant veneant.iamne abiit intro? abiit, operuit fores.di me quidem omnes adiuvant, augent, amant.sed quid ego cesso, dum datur mi occasiotempusque, abire ab his locis lenoniis?propera, Menaechme, fer pedem, confer gradum.demam hanc coronam atque abiciam ad laevam manum,ut, siquis sequatur, hac me abiisse censeant.