ἄλλοτε μὲν χαίρουσα κακῶν ἐπὶ τέρματι μόχθων,ἄλλοτε δʼ αἰδομένη, τοτὲ δʼ ὀψέ περ ὡς ἐν ὀνείρῳλαθρίδιον στενάχουσα φίλης μιμνῄσκετο πάτρης.Αἰακίδης δὲ γέροντα Νεοπτόλεμος βασιλῆαπήμασι κεκμηῶτα παρʼ Ἑρκείῳ κτάνε βωμῷ οἶκτον ἀπωσάμενος πατρώιον· οὐδὲ λιτάωνἔκλυεν, οὐ Πηλῆος ὁρώμενος ἥλικα χαίτηνᾐδέσαθʼ, ἧς ὕπο θυμὸν ἀπέκλασεν ἠδὲ γέροντοςκαίπερ ἐὼν βαρύμηνις ἐφείσατο τὸ πρὶν Ἀχιλλεύς.