τρὶς δὲ περιστείχουσα καὶ Ἀργείους ἐρέθουσαπάσας ἠυκόμους ἀλόχους ὀνόμαζεν Ἀχαιῶν φωνῇ λεπταλέῃ· τοὶ δʼ ἔνδοθι θυμὸν ἄμυσσονἀλγεινοὶ κατέχοντες ἐεργμένα δάκρυα σιγῇ.ἔστενε μὲν Μενέλαος, ἐπεὶ κλύε Τυνδαρεώνης,κλαῖε δὲ Τυδείδης μεμνημένος Αἰγιαλείης,οὔνομα δʼ ἐπτοίησεν Ὀδυσσέα Πηνελοπείης, Ἄντικλος δʼ ὅτε κέντρον ἐδέξατο Λαοδαμείης,μοῦνος ἀμοιβαίην ἀνεβάλλετο γῆρυν ἀνοίξας·