λαῶν ὀρνυμένων ὅμαδον καὶ κῦμα φυγόντεςἐς βουλὴν βασιλῆες ἀολλίσθησαν Ἀχαιῶν. ἡ δὲ τανυφθόγγοιο δέμας κήρυκος ἑλοῦσασυμφράδμων Ὀδυσῆι παρίστατο θοῦρις Ἀθήνηἀνδρὸς ἐπιχρίουσα μελίχροϊ νέκταρι φωνήν.αὐτὰρ ὁ δαιμονίῃσι νόον βουλῇσιν ἑλίσσωνπρῶτα μὲν εἱστήκει κενεόφρονι φωτὶ ἐοικὼς ὄμματος ἀτρέπτοιο βολὴν ἐπὶ γαῖαν ἐρείσας,ἄφνω δʼ ἀενάων ἐπέων ὠδῖνας ἀνοίξαςδεινὸν ἀνεβρόντησε καὶ ἠερίης ἅτε πηγῆςἐξέχεεν μέγα λαῖτμα μελισταγέος νιφετοῖο·